نووری مالیکی پیرۆزبایی ساڵیادی دامەزراندنی ئاڤا دەکات

ئاڤا نیوز

سەرۆکی هاوپەیمانی دەوڵەتی یاسا، پەیامێکی پیرۆزبایی ئاراستەی گرووپی میدیایی ئاڤا کرد بەبۆنەی یەکەمین ساڵیادی دامەزراندنیەوە. مالیکی هیوای بەردەوامی سەرکەوتن و پێشکەوتن بۆ ئاڤا دەخوازێت.

دەقی پەیامەکەی نووری مالیکی بۆ دەزگای میدیایی ئاڤا

بەڕێوەبەر و سەرنووسەرانی بەڕێزی گرووپی میدیایی ئاڤا

سڵاوێکی گەرم....

بەبۆنەی یەکەمین ساڵیادی دامەزراندنی گرووپی میدیایی ئاڤا ("داگیرساندنی یەکەم مۆم")، مایەی خۆشحاڵیمە کە گەرمترین پیرۆزبایی و باشترین هیواتان پێشکەش بکەم.

ئەوەی ئێوە لەم ماوەیەدا بە سەرکەوتنێکی دیارەوە بەدەستتان هێناوە، نیشانەی هەوڵێکی گەورە و دیدگایەکی ڕوونە. ئێمە دڵنیاین کە "ئاڤا" بەردەوام دەبێت لەسەر ڕێچکەی خۆی بۆ ئەوەی ببێتە ناوەندێکی میدیایی پتەو کە ڕاستی دەگوازێتەوە و ڕۆڵی لە پێشخستن و گەشەکردنی نیشتمانە خۆشەویستەکەماندا دەبینێت.

هیوای سەرکەوتن و بەردەوامی و بەخشندەیی و پێشکەوتنی زیاترتان بۆ دەخوازین لە ساڵانی داهاتوودا.

لەگەڵ ڕێز و پێزانینێکی زۆرماندا...

نووری مالیکی
سەرۆکی هاوپەیمانی دەوڵەتی یاسا