پارێزگاری هەولێر: ئاڤا مینبەرێکە بەشێوەیەکی پیشەگەرانە لە ماوەی ئەو ساڵەی تەمەنی کاری کردووە

ئاڤا نیوز

بەبۆنەی تێپەڕبوونی ساڵێک بەسەر پەخشی کەناڵی ئاڤا، ئومێد خۆشناو، پارێزگاری هەولێر لە پەیامێکی پیرۆزبایی دەڵێت، ئاڤا بەشێوەیەکی پیشەگەرانە و بە کوالێتییەکی بەرز لە ماوەی ئەو ساڵەی تەمەنی کاری کردووە.

پەیامی فەرمی ئومێد خۆشناو، پارێزگاری هەولێر، لە ساڵیادی ئاڤا: "وێڕای پیرۆزبایی گەرم بەبۆنەی ساڵیادی دامەزراندنی كەناڵی ئاڤا میدیا، وەک گرووپێکی میدیایی بەرپرسیار و مینبەرێک کە هەمیشە بەشێوەیەکی پیشەگەرانە و بە کوالێتییەکی بەرز لە ماوەی ئەو ساڵەی تەمەنی کاری کردووە.

ئومێد دەکەین بەهەمان ڕێچکە و بە پڕەنسیپ و ئیتیکی کاری ڕۆژنامەوانی بەردەوام بن لە خزمەتکردن و پاراستنی پرسە نیشتمانییەکان و پیرۆزییەکانی کوردستان و بەها باڵاکانی و لە چوارچێوەی کارەکانتان ڕۆڵی گرنگی خۆتان بگێڕن لە خزمەتکردن و بەرەوپێشبردنی زیاتری میدیای کوردی.