ڤیان سەبری لە ساڵیادی ئاڤا: چالاکییەکانتان ناوازەن

ئاڤا نیوز

سەرۆکی فراکسیۆنی پارتی دیموکراتی کوردستان لە پەرلەمانی عێراق پیرۆزبایی ساڵیادی دامەزراندنی گرووپی میدیایی ئاڤا دەکات و دەڵێت: بوێریی خۆی سەلماندووە و چالاکییەکانی نایابن.

دەقی پیرۆزبایی د. ڤیان سەبری لە ئاڤا میدیا:

بەڕێوەبەر و ئەندامانی بەڕێزی دامەزراوەی میدیای ئاڤا

بەبۆنەی یەکەمین ساڵیادی دەستپێکردنی گرووپی میدیایی ئاڤا، گەرمترین پیرۆزبایی خۆمتان ئاراستە دەکەم. هیوای سەرکەوتن و پێشکەوتنتان بۆ دەخوازم لە ئەرکی ڕاگەیاندنتان و ڕۆڵی گرنگتان لە پێدانی زانیاری و پاڵپشتیکردنی ئازادی ڕۆژنامەگەری و بەرزکردنەوەی هۆشیاری گشتی لای هاووڵاتییان و پابەندبوونتان بە پیشەیی و متمانەپێکردن و خزمەتکردنی کۆمەڵگا و ئاشکراکردنی ڕاستییەکان و باشتکردنی شەفافیەت.

ئاڤا بوێریی خۆی سەلماندووە لە ڕووبەڕووبوونەوەی ئەو ئاڵنگارییەی وەک دامەزراوەیەکی ڕاگەیاندنی تازە دامەزراو لە گۆڕەپانی ڕاگەیاندنی کوردیدا ڕووبەڕووی بووەتەوە. چالاکییە ناوازەکانی خۆی نیشانداوە و ئەو ئاستەنگانەی تێپەڕاندووە لە ڕێگەیدا وەستاون.

پشتگیریی تەواوی خۆمان بۆ ئاڤا دەردەبڕین و بەردەوام دەبین لە هەماهەنگی و پەیوەندیکردن و هاوکاریکردن لەگەڵیدا، هەموو ئەو شتانە دابین دەکەین کە پێویستتانە بۆ دڵنیابوون لە سەرکەوتنی ئەرکی میدیاییتان، هیوای بەردەوامیی درەوشاوەیی و داهێنان و سەرکەوتنتان بۆ دەخوازین لە کاری میدیایی ئامانجدارتان.