سەرۆکوەزیران مەسرور بارزانی پیرۆزبایی ساڵیادی دامەزراندنی ئاڤا میدیا دەکات

ئاڤا نیوز

سەرۆکوەزیران مەسرور بارزانی بەبۆنەی یەکەم ساڵیادی دامەزراندنی گرووپی میدیایی ئاڤا، پیرۆزبایی ئاراستەی سەرجەم کارمەندانی ئاڤا دەکات و دەڵێت: ئومێدەوارم ئاڤا لە ئەرک و پەیامی میدیایی و کاری پیشەییانەی خۆی بەردەوام بێت بۆ بەرگریکردن لە قەوارەی هەرێمی کوردستان و دەستکەوتە نیشتمانییەکان. 

 

دەقی پەیامی پیرۆزبایی مەسرور بارزانی بۆ ئاڤا میدیا

لە ساڵیادی دامەزراندنی کەناڵی ئاڤا، گەرمترین پیرۆزبایی ئاراستەی سەرجەم کارمەندانی ئاڤا دەکەم و هیوای سەرکەوتن و پێشکەوتنی بەردەوامیان بۆ دەخوازم.

ئومێدەوارم کەناڵی ئاڤا لە ئەرک و پەیامی میدیایی و کاری پیشەییانەی خۆی بەردەوام بێت وەک سەکۆیەکی ڕاستگۆ لەپێناو گەیاندنی ڕاستییەکان و هۆشیارکردنەوەی کۆمەڵگە و پەرەپێدانی کولتووری بەیەکەوەژیانی ئاشتییانەی نێوان پێکهاتە جیاوازەکان و بەرگریکردن لە قەوارەی هەرێمی کوردستان و دەسکەوتە نیشتمانییەکان.

مەسرور بارزانی
سەرۆکی حکومەتی هەرێمی کوردستان