فازڵ میرانی  پیرۆزبایی ساڵیادی دامەزراندنی ئاڤا میدیا دەکات

ئاڤا نیوز

فازڵ میرانی، بەرپرسی دەستەی کارگێریی مەکتەبی سیاسیی پارتی دیموکراتیی کوردستان، پیرۆزبایی ساڵیادی دامەزراندنی ئاڤا میدیا دەکات و دەڵێت" ئەمە دەستکەوتێکی گەورەیە، کە لە ماوەیەکی کەمدا توانیوتانە ببنە میوانێکی بەردەوامی ماڵەکان و  بینەرێکی زۆر لە خۆتان کۆبکەنەوە".

پەیامی فەرمی فازڵ میرانی، بەرپرسی دەستەی کارگێریی مەکتەبی سیاسیی پارتی لە ساڵیادی ئاڤا:

بۆ بەڕێزان/ بەڕێوەبەر و ستافی ئاڤا میدیا

سڵاوێکی گەرم

بەبۆنەی یەکەم ساڵوەگەڕی دەستپێکی پەخشی ئاڤا میدیاوە، جوانترین پیرۆزباییتان ئاراستە دەکەم. ئەمە دەستکەوتێکی گەورەیە، کە لە ماوەیەکی کەمدا توانیوتانە ببنە میوانێکی بەردەوامی ماڵەکان و  بینەرێکی زۆر لە خۆتان کۆبکەنەوە.

هیوادارم ئاڤا میدیا هەمیشە لە پێشەنگدا بێت و بەردەوام بێت لە پێشکەشکردنی باشترین بەرنامە.

لەگەڵ ڕێزدا

فازڵ میرانی 
بەرپرسی دەستەی کارگێریی مەکتەبی سیاسی