جێگری بەڕێوەبەری کۆمپانیای سۆمۆ پیرۆزبایی ساڵیادی دامەزراندنی ئاڤا دەکات

ئاڤا نیوز

بەبۆنەی ساڵیادی دامەزراندنی ئاڤا، جێگری بەڕێوەبەری کۆمپانیای سۆمۆ، پیرۆزبایی لە گرووپی میدیایی ئاڤا دەکات و دەڵێت، ئەو پێشەنگایەتییەی کە ئاڤا میدیا نیشانی داوە لە گەیاندنی ڕاستییەکان و نزیکبوونەوە لە پرسەکانی کۆمەڵگا، جێگای ستایش و پێزانینە.

پەیامی فەرمی د. حەمدی شنگالی، جێگری بەڕێوەبەری کۆمپانیای سۆمۆ لە ساڵیادی ئاڤا:

بۆ: بەڕێوەبەرایەتی ئاڤا میدیا و سەرجەم کارمەندانی

بابەت: پیرۆزبایی

بە بۆنەی یەکەمین ساڵیادی دامەزراندنی کەناڵی ئاڤا میدیا، گەرمترین پیرۆزبایی خۆم ئاراستەی بەڕێوەبەر، سەرجەم دەستەی کارگێڕی و کارمەندە بەڕێزەکانتان دەکەم.

لە ماوەی یەک ساڵی ڕابردوودا، ئاڤا میدیا توانیویەتی ڕۆڵێکی بەرچاو و کاریگەر لە گۆڕەپانی ڕاگەیاندندا بگێڕێت. شێوازی کارکردنی پرۆفیشناڵانە و پابەندبوون بە بنەماکانی ڕاگەیاندنی سەردەم، وایکردووە کەناڵەکەتان بە خێرایی جێگەی خۆی لە دڵی بینەراندا بکاتەوە و ببێتە سەرچاوەیەکی متمانەپێکراو بۆ زانیاری و شیکاری.

ئەو پێشەنگایەتییەی کە ئاڤا میدیا نیشانی داوە لە گەیاندنی ڕاستییەکان و نزیکبوونەوە لە پرسەکانی کۆمەڵگا، جێگای ستایش و پێزانینە. ئەم دەستکەوتانە نیشانەی ئاستی بەرزی تواناکانی تیمەکەتانە و پابەندبوونی ئێوەیە بە خزمەتکردنی بەرژەوەندی گشتی.

ئومێد دەکەم لە ساڵانی داهاتووشدا بە هەمان ڕۆح و کوالێتی بەردەوام بن لە سەرکەوتنەکانتان و وەک هەمیشە، دەنگێکی کاریگەر و بێلایەن بمێننەوە لە گۆڕەپانی ڕاگەیاندندا.

لەگەڵ ڕێزی بێپایانم

د. حەمدی شنگالی
جێگری بەڕێوەبەری کۆمپانیای سۆمۆ