چیا هەرکی: ئاڤا میدیا توانی میدیای کوردی لەگەڵ خەڵک ئاشتبکاتەوە

ئاڤا نیوز

بەبۆنەی ساڵیادی دامەزراندنی ئاڤا، یاریدەدەری مەکتەبی ڕێکخستنی پارتی دیموکراتی کوردستان لە هەولێر پیرۆزبایی لە گرووپی میدیایی ئاڤا دەکات و دەڵێت، لەماوەی یەک ساڵی تەمەنیدا ئاڤا میدیا توانی میدیای کوردی لەگەڵ خەڵک ئاشتبکاتەوە.

پەیامی فەرمی چیا هەرکی، یاریدەدەری مەکتەبی ڕێکخستنی پارتی دیموکراتی کوردستان لە هەولێر لە ساڵیادی ئاڤا: بەبۆنەی ساڵڕۆژی پەخشی ئاڤا میدیا گەرمترین پیرۆزبایی ئاراستەی بەڕێوەبەر و ستافە ماندوونەناسەکەتان دەکەم.

لەماوەی یەک ساڵی تەمەنیدا ئاڤا میدیا توانی میدیای کوردی لەگەڵ خەڵک ئاشتبکاتەوە، بەجۆرێک خەڵک بە متمانەوە کێشەکانیان لە ڕێگەی ئاڤاوە بە دەسەڵات دەگەیەنن، ئاڤاش بووە بە پردێک لەنێوانی دەسەڵات و خەڵکدا، بەجددی و خەمخۆرییەوە بەدواداچوون بۆ گرفتەکان دەکات تا وەرگرتنی چارەسەر و دۆزینەوەی ڕێگەیەک بۆیان، گرنگە ئەم متمانەیە بپارێزن و هاوسەنگانە کارەکانی بەردەوامی پێبدات.

چیا هەرکی
یاریدەدەری مەکتەبی ڕێکخستنی پارتی دیموکراتی کوردستان لە هەولێر