هەڵگۆرد شێخ نەجیب: ئاڤا سەکۆیەکی گرنگە بۆ گەیاندنی زانیاریی

ئاڤا نیوز


هەڵگۆرد شێخ نەجیب، سەرپەرشتیاریی ئیدارەی سەربەخۆی سۆران پەیامێکی لە ساڵیادی ئاڤا بڵاوکردووەتەوە کە تیایدا هاتووە: ئاڤا میدیا توانیویەتی ببێتە سەکۆیەکی گرنگ بۆ گەیاندنی زانیاری، شیکردنەوەی ڕووداوەکان و پێشکەشکردنی بەرنامەی هەمەچەشن. 


دەقی پەیامەکەی هەڵگورد شێخ نەجیب، لە ساڵیادی ئاڤا:-

بە بۆنەی یادی یەکەمین ساڵەی دامەزراندن و دەستپێکی کاری میدیاییتان، گەرمترین پیرۆزبایی ئاراستەی بەڕێوەبەر و تەواوی کارمەندانی کەناڵی (ئاڤا میدیا) دەکەم.
 
لە ماوەی ئەم ساڵەدا، ئاڤا میدیا توانیویەتی ببێتە سەکۆیەکی گرنگ بۆ گەیاندنی زانیاری، شیکردنەوەی ڕووداوەکان و پێشکەشکردنی بەرنامەی هەمەچەشن کە جێگەی بایەخی بینەرانی بووە. 

هیوای بەردەوامی و سەرکەوتنی زیاترتان بۆ دەخوازم و ئومێدەوارم لە ساڵانی داهاتوودا، پەرە بە کارەکانتان بدەن و ببنە چرایەکی گەشتر لە ئاسمانی ڕاگەیاندنی کوردی و ڕۆڵێکی کارتێکەر و بەرچاوتر بگێڕن.