یەکێتی قوتابیان و لاوانی دیموکراتی کوردستان بۆ ئاڤا: بە تەمەنێكی كەمیی كاری میدیاییەوە بوون بە جێی متمانە

ئاڤا نیوز


یەکێتی قوتابیان و لاوانی دیموکراتی کوردستان پەیامێکی لە ساڵیادی ئاڤا بڵاوکردووەتەوە کە تیایدا هاتووە، بە تەمەنێكی كەمیی كاری میدیاییەوە بوون بە جێی متمانە و هێندەی دەیان ساڵ خزمەتتان بە شەقامی میدیای كوردستان كرد. 


ئەمە دەقی پەیامی پیرۆزبایی یەکێتی قوتابیان و لاوانی دیموکراتی کوردستان بۆ گرووپی میدیایی ئاڤا:

بە ڕێز و پێزانینی زۆرەوە پیرۆزبایی یەكەمین ساڵوەگەڕی دەستپێكی كاری میدیای گرووپی ئاڤا میدیا (ئاڤا تی ڤی، ئاڤا دیجیتاڵ، ئاڤا سكووڵ، ئاڤا منداڵان، ئاڤا ڕادیۆ) تان لێ دەكەین، كە بە شێوەیەكی پیشەگەرانە و بە ئاستێكی بەرزی كاری میدیایی و هاوتەریب لەگەڵ بەها نیشتیمانیەكان و پیرۆزیەكانی كوردستان و بەها باڵاكانی خێزانی لە ماوەكانی ڕابردوودا كارتان كردووە.

 ئێوە میمبەرێكی ڕاستگۆ و پردێكی خاوەن بڕوابوون لە نێوان هاوڵاتییان و دامەزراوە حكومییەكان، بە تەمەنێكی كەمیی كاری میدیاییەوە بوون بە جێی متمانە و هێندەی دەیان ساڵ خزمەتتان بە شەقامی میدیای كوردستان كرد، وە بۆ داهاتووش هیوای پێشەكەوتنی زیاتر و بەردەوامیتان بۆ دەخوازین لە كارە ناوازەكانتان.