ڕاوێژکارێکی سەرۆککۆماری عێراق بۆ ئاڤا: خەڵکی بەچاوەڕوانی و تامەزرۆوە تەماشای  بەرنامەکانتان دەکەن

ئاڤا نیوز

محەممەد ئەمین فارس پێندڕوی، گەورە ڕاوێژکاری سەرۆککۆماری عێراق پیرۆزبایی ساڵیادی دامەزراندن لە ئاڤا دەکات و دەڵێت، ئەگەرچی تەمەنی ئاڤا میدیا  تەنیا یەک ساڵە، "بەڵام ئێستا جێگەی خۆتان لە نێو ماڵەکان کردووتەوە و خەڵکی بەچاوەڕوانی و تامەزرۆوە تەماشای  بەرنامەکانتان دەکەن".

دەقی پەیامی گەورە ڕاوێژکاری سەرۆککۆماری عێراق بۆ ساڵیادی دامەزراندنی ئاڤا میدیا:-

"بەبۆنەی تێپەڕبوونی ساڵێک بەسەر تەمەنی ئاڤا میدیا جوانترین و ڕازاوەترین پیرۆزبایی ئاراستەی یەکەیەکەی کارمەندانتان دەکەین و هێڤیدارین هەمیشە سەکۆی خەڵکە بێ سەکۆکان  بن، دەنگ و ڕەنگی ڕاستییەکان بن.

"لەگەڵ ئەوەی تەمەنی ئاڤا میدیا  تەنیا یەک ساڵە،  بەڵام ئێستا جێگەی خۆتان لە نێو ماڵەکان کردووتەوە و خەڵکی بەچاوەڕوانی و تامەزرۆوە تەماشای  بەرنامەکانتان دەکەن".