نەرمین سندی: ئاڤا میدیا توانی خۆی بسەلمێنێت و خزمەتێکی بەرچاو پێشکەش بکات

ئاڤا نیوز

نەرمین سندی، ڕاوێژکاری ئەنجوومەنی وەزیران بەبۆنەی ساڵیادی دامەزراندنی گرووپی ئاڤا میدیا پەیامێکی پیرۆزبایی ڕادەگەیێنێت و دەڵێت، ئاڤا میدیا لە ماوەی تەمەنیدا توانی خۆی بسەلمێنێت و خزمەتێکی بەرچاو پێشکەش بکات.

دەقی پەیامی فەرمی نەرمین سندی بۆ ساڵیادی دامەزراندنی ئاڤا میدیا:-
 

بەرێزان/ بەڕێوەبەر و کارمەندانی ئاڤا میدیا، یەکەمین ساڵیادی ئاڤا میدیا بە شادمانی و دڵخۆشییەوە لە ئێوەی بەڕێز و بینەران پیرۆز دەکەم، لەم ماوەیەدا، ئاڤا میدیا توانی بە شێوەیەکی نوێ و پابەند بە ئیتیکی کاری ڕۆژنامەوانی و بە جیاوازی، جێگایەکی بەرز لە نێو میدیای کوردی و ناوچەکە بەدەستبهێنێت و خۆی بسەلمێنێت و خزمەتێکی بەرچاو  پێشکەش بکات.

بەو هیوایەی لە ساڵانی داهاتوودا، ئاڤا میدیا بەهەمان گڕوتینەوە و زیاتر خزمەت بکات و نموونەیەکی سەرکەوتوو بێت بۆ هەمیشە.

نەرمین سندی - ڕاوێژکاری ئەنجومەنی وەزیران