میسال ئالوسی: ئاڤا سەکۆی ڕاستی و نمونەی کاری میدیای پیشەییە

ئاڤا نیوز


میسال ئالووسی، سیاسەتمەداری عێراقی دەڵێت، ئاڤا سەکۆی ڕاستی و میدیایەکی بەرپرسیارە، هاوکات ستایشی بەرگریکردنی ئاڤاش لە پیشەییبوونی کاریی میدیایی دەکات. 

میسال ئالووسی، سیاسەتمەداری عێراقی لە پەیامێک کە ئاڕاستەی گرووپی میدیایی ئاڤای کردووە، ئاماژەی بەوەشکردووە، پیرۆزبایی لە میدیای کوردیی و کوردستان دەکات بەبۆنەی تێپەڕبوونی ساڵێک بەسەر پەخشی کەناڵی ئاڤا، کەناڵێک کە بووەتە سەکۆیەکی بەرپرسیارانە و ئومێدی سەرکەوتنی زیاتری بۆ دەخوازێت.

باسی لەوەشكردووە، لەکاتێکدا کاریی میدیایی گیرۆدەی گێژاوی زانیاریی سەیر و سەمەرە بووەتەوە، لە ئاڤا میدیایدا هەوڵی بێوووچان بۆ بەرگریکردن لە ڕاستی و بەرگریکردن لە پیشەییبوونی کاریی میدیایی دەبینێت و ئەم بابەتە وەک خاڵێکی گەشە سەیر دەکات.