ئومێد خۆشناو: كاركردن بۆ گەیاندنی خزمەتگوزاری بۆ كەرتی باغلومناره‌ی هەولێر بە چڕی بەردەوامە

ئاڤا نیوز

به‌ گوژمه‌ی زیاتر لە 25 ملیار دینار كاركردن لە پڕۆژەی گه‌یاندنی خزمەتگوزارییه‌كانی گه‌ڕه‌كی باغلومنارەی شاری هه‌ولێر بەردەوامە و تیمەکان هەوڵەکانیان بۆ تەواوکردنی پرۆژەکە چڕ کردووەتەوە.

لێدوانی فەرمی: ئومێد خۆشناو، پارێزگاری هەولێر بە ئاڤا میدیای ڕاگەیاند، كاركردن بۆ گەیاندنی خزمەتگوزاریی کەرتی باغلومناره‌ لە شاری هەولێر بە چڕی بەردەوامە.

پارێزگاری هەولێر ئاماژە بەوە دەکات، پرۆژەکە گوژمه‌ی زیاتر لە 25 ملیار دیناری بۆ تەرخانکراوە و  تیمه‌كانی جێبه‌جێكاری پرۆژه‌كه‌ش ڕاسپێردراون کارەکانیان خێراتر بكەن و هەوڵەکانیان چڕتر بکەنەوە، بۆ ئه‌وه‌ی هەرچی زووە پڕۆژەكە بۆ‌ خزمەتكردنی خاوه‌ن زه‌وییه‌كانی ئه‌و گه‌ڕه‌كه‌ ته‌واو بكرێت.