تەنیا مانگی ڕابردوو؛ 13 کۆڵبەر کوژراون و 78 کۆڵبەری دیکە بریندارکراون

ئاڤا نیوز

 

بەگوێرەی ئامارەکانی ڕێکخراوی مافی مرۆڤی هەنگاو، تەنیا لە مانگی ئاداری ڕابردوودا 91 کۆڵبەر بە تەقەی ڕاستەوخۆی پاسدارانی ئێرانەوە کوژراون و بریندارکراون.

 

ڕاگەیێنراوی فەرمی: بە پشتبەستن بە داتا تۆمارکراوەکان لە ناوەندی ئامار و بەڵگەنامەکانی ڕێکخراوی مافی مرۆڤی هەنگاو، لە ماوەی مانگی ڕابردوودا 91 کۆڵبەر لە سنوورەکانی کوردستان کوژراون و بریندارکراون؛ 66% لەسەرجەم ئەو حاڵەتانە بە تەقەی ڕاستەوخۆی پاسدارانی ئێران کوژراون و برینداربوون. 

 

ئەوەی پێویستە بیزانیت: 13 کۆڵبەر و کاسبکار کوژراون و 78 کۆڵبەری دیکەش بریندارکراون؛ لەو ماوەیەدا منداڵێکی کۆڵبەری خەڵکی دیواندەرە بەناوی "هەستیار عەبدولکەریمی" گیانی لەدەستداوە و پێنج منداڵی کۆڵبەریش بە تەقەی ڕاستەوخۆی "هێزە چەکدارەکانی ئێران" لە سنوورەکانی "بانە، نەوسوود، سەقز و مەریوان" بریندارکراون.
لە ڕاگەیێنراوەکە وا هاتووە 

 
زانیاریی زیاتر: ئەو ئامارە بەراورد بە مانگی شوبات 36% زیاتر بووە کە 44 حاڵەتی کوژران و بریندارکردن تۆمارکراون.