چەند تەقینەوەیەک لە پاکستان ڕوویان دا

ئاڤا نیوز

بەهۆی چەند تەقینەوەیەکی جیاجیا لە پارێزگای بەلووچستانی پاکستان لانیکەم 11 کەس کوژران.

چیرۆکی سەرەکی: خۆکوژێک ئۆتۆمبێلێکی مینڕێژکراوی لە ناو کاروانی میلیشیاکانی سەر بە حکومەتی پاکستان، لە ناوچەی دەشت لە پارێزگای بەلووچستان لە نزیک سنووری ئێران، تەقاندووەتەوە. بەهۆی هێرشەکەوە 5 کەس، لە ناویشیاندا سێ ئەندامی هێزەکانی پاکستان، کوژران.

لەلایەکی دیکەوە: تەقینەوەیەکی دیکە لە نزیک خاڵێکی سنووری ئەفغانستان ڕوویداوە و بەهۆیەوە شەش کرێکار کوژران. 

ئەمەش بزانە: 'سوپای ئازادیخوازی بەلووچ' کە ڕێکخراوێکی سەربەخۆخوازی بەلووچییە، بەرپرسیارێتیی هێرشەکانی گرتووەتە ئەستۆ.