لە شنگال ئۆتۆمبێلێک کرایە ئامانج

ئاڤا نیوز

 

پەیامنێری ئاڤا نیوز لە شنگال ڕایگەیاند، کەمێک پێش ئێستا بە فڕۆکەیەکی بێفڕۆکەوان ئۆتۆمبێلێک کراوەتە ئامانج.

 

لێدوانی پەیامنێر: مەڕوان داود، پەیامنێری ئاڤا نیوز لە شنگال ڕایگەیاند، لەلایەن فڕۆکەیەکی بێفڕۆکەوانەوە ئۆتۆمبێلک لە ناوچەی سەردەشتی چیای شنگال کرایە ئامانج و تاوەکو ئێستا زیانەکان نەزانراون.

 

زانیاریی زیاتر: ناوچەی سەردەشت لە چیای شنگال لەلایەن هێزەکانی یەبەشەوە بەڕێوەدەبرێت و تاوەکو ئێستا نازانرێت کە زیانەکان چین، جگە لەوەش تاوەکو ئێستا هیچ ڕوونکردنەوەیەک لەبارەی هێرشەکە و ئاشکراکردنی بکەری هێرشەکەی شنگال ئاشکرا نەکراوە.

 

ئەوەی لەبارەیەوە دەگوترێت: پێدەچێت بۆردوومانەکە لەلایەن تورکیاوە کرابێت و ئەو ئۆتۆمبێلەشی کراوەتە ئامانج ئۆتۆمبێلی چەکدارانی هێزەکانی یەكینەكانی بەرخودانی شنگال (یەبەشە) بێت.