هەسەدە: حکومەتی دیمەشق کۆمەڵکوژیی لە حەلەب کردووە

ئاڤا نیوز

هێزەکانی سووریای دیموکرات(هەسەدە) ڕایگەیاند؛ ئێوارەی شەممە گرووپەکانی سەر بە حکومەتی سووریا بۆردومانی ناوچەیەکی پارێزگای حەلەبیان کردووە و 11 کەس گیانیان لەدەستدا و برینداربوون.

ڕاگەیێنراوی فەرمی: هەسەدە ڕایگەیاند: گرووپە چەکدارەکانی سەر بە حکومەتی دیمەشق و بە پاڵپشتی تورکیا ئێوارەی ڕۆژی شەممە لە گوندی ئوم تینا لە لادێی دێرحەفەر لە ڕۆژهەڵاتی پارێزگای حەلەب کۆمەڵکوژییەکیان لە دژی خەڵکی مەدەنی ئەنجامدا. هێرشەکە بە فڕۆکەی بێفڕۆکەوان دەستیانپێکرد، دواتر لە کاتژمێر 07:00ی ئێوارەدا تۆپبارانی ئەو گوندەیان کرد و ڕاستەوخۆ ماڵە مەدەنییەکان کراونەتە ئامانج.

کاریگەریی و لێکەوتەکان: لە ئەنجامی ئەو هێرشە حەوت هاووڵاتیی مەدەنی کە پێنجیان ئافرەتن و دووانیان منداڵی یەک ساڵی و چوار ساڵین کوژران و چواری دیکە برینداربوون.

زانیاریی زیاتر: دوای ئەو ڕووداوە، شەوی ڕابردوو شەڕ و پێکدادان لەنێوان هێزەکانی هەسەدە  و گرووپەکانی سەر بە حکومەتی سووریا ڕووی دا، هەسەدە ڕایگەیاند: بە فڕۆکەی بێفڕۆکەوان هێزەکانی سوپای سووریامان کردە ئامانج و چەندین ئەندامی سوپا ڕاستەوخۆ کراونەتە ئامانج.