ناوی سێ یەکەمەکان و هەڵگرانی بڕوانامەی باڵا بەمەبەستی دامەزراندن بۆ بەغدا دەنێردرێت

ئاڤا نیوز

وردبینى لە لیستى سەرجەم بەراییەکانى سێ یەکەمەکان و هەڵگرانى بڕوانامەى باڵا دەکرێت کە دانیشتووانى ناوچە کوردستانیەکانی دەرەوەى  ئیدارەی هەرێمى کوردستانن و دەرچووى زانکۆکانى کوردستانن.

وێنە گەورەکە: لە چوارچێوەی دامەزراندنی یەکەمەکانی زانکۆکانی عێراق، ئەنجوومەنی ڕاژەی عێراق ڕەزامەندی دا لەسەر دامەزراندنی سێ یەکەمەکانی زانکۆکانی هەرێمی کوردستان کە دانیشتووی ناوچە کوردستانییەکانی دەرەوەی ئیدارەی هەرێمی کوردستانن، بۆ ئەم مەبەستەش ڕێکارەکان دەستی پێکردووە و سێ یەکەمەکان فۆرمی داواکاری دامەزراندنیان پێشکەش کردووە.

لێدوانی فەرمی: عەباس ئەکرەم، گوتەبێژی وەزارەتی خوێندنی باڵا و توێژینەوەی زانستیی هەرێمی کوردستان بە ئاڤای گوت: ڕۆژی سێشەممە 2025-09-23 وردبینی بەرایی بۆ سێ یەکەمەکان و هەڵگرانی بڕوانامەی باڵا دەکرێت ئەو کەسانەی دەرچووی زانکۆکانی هەرێمی کوردستانن بەڵام دانیشتووی ناوچە کوردستانییەکانی دەرەوەی ئیدارەی هەرێمی کوردستانن ، دوای وردبینی ناوەکان ڕەوانەی ئەنجوومەنی راژە دەکرێن.