دوایین زانیاریی لەبارەی کوژرانی ئەکبەر حاجی ڕۆستەم

ئاڤا نیوز

شەوی ڕابردوو، ئەکبەر حاجی ڕۆستەم، یەکێک لە کەسایەتییە دیارەکانی سنووری گەرمیان لەناو باخەکەی لە گوندی ئۆمەربلی کفری کوژرا. 

چیرۆکی سەرەکی: درەنگانی شەوی ڕابردوو هەواڵی کوژرانی کەسایەتییەکی دیاری ناوچەی گەرمیان بەخێرایی تەواوی سۆشیاڵ میدیای داگیرکرد، تاوەکو ئێستا هۆکاری کوژرانی بە دروستیی دیار نییە. 

لێدوانی فەرمی: یەکێک لە کوڕەکانی ئەکبەر حاجی ڕۆستەم شێوازی ڕووداوەکە بۆ ئاڤا دەگێڕیتەوە و باس لەوەدەکات؛ دوێنی باوکم و دوو لە براکانم لە هەولێرەوە گەڕاونەتەوە کفری، دواتر باوکم بەتەنها سەردانی باخەکەمانی کردووە لە گوندی ئۆمەربل و لەوێ کوژراوە. 

- ئەو کەسەی باوکمی کوشتووە ئۆتۆمبێلەکەشی بردووە، ئێمە نە شوانمان هەیە و نە ماڵی عەرەب هەر بۆیە گومانمان لە کەس نییە، گرفتی کۆمەڵایەتییشمان نییە.

لەلایەکی دیکەوە: عەقید عەلی جەمال قدووری، وتەبێژی پۆلیسی گەرمیان بە ئاڤای ڕاگەیاند: لێکۆڵینەوەکان لە ڕووداوەکە بەردەوامە و بەم زووانە ڕاگەیێنراومان لەسەر ڕووداوەکە دەبێت.