سەرۆک بارزانی لە ساڵیادی ڕیفراندۆم: ئەوەی ئەمڕۆ دەچێندرێ، سبەی دەدورێتەوە

ئاڤا نیوز

لە هەشتەمین ساڵیادی ئەنجامدانی ڕیفراندۆمی سەربەخۆیی دا سەرۆک بارزانی پەیامێکی بڵاوکردەوە و دووپاتی کردەوە نیشتمان نەخشەیەک نیە لەسەر کاغەز بێت، بەڵکوو خوێنە و بە دەمارەکاندا دەگەڕێ.

چیرۆکی سەرەکی: ئەمڕۆ پێنجشەممە 25ـی ئەیلوولی 2025، لە هەشتەمین ساڵیادی ئەنجامدانی ڕیفراندۆمی سەربەخۆیی، سەرۆک مەسعود بارزانی لە تۆڕی کۆمەڵایەتی ئێکس پەیامێکی بڵاوکردەوە.

پەیامی فەرمی: الوطنُ ليس خريطةً على الوَرَقِ، بل دمٌ يَسرى في العروق.
ما تزرَعُە الیومَ ستَحصدە غداً.

نیشتیمان نەخشەیەک نیە لەسەر کاغەز بێت، بەڵکوو خوێنە و بە دەمارەکاندا دەگەڕێ.
ئەوەی ئەمڕۆ دەچێندرێ، سبەی دەدورێتەوە.

باکگراوند: لە ڕێککەوتی 2017-06-07 بەسەرپەرشتیی سەرۆك بارزانی ژمارەیەك لە پارتە سیاسییەكانی هەرێمی كوردستان کۆبوونەوە و بڕیاردرا ڕیفراندۆمی سەربەخۆیی کوردستان ئەنجام بدرێت، 2017-09-25 هەشت ساڵ لەمەوبەر و لە ڕۆژێکی وەک ئەمڕۆدا ڕیفراندۆمی سەربەخۆیی کوردستان بەڕێوەچوو ، سێ ملیۆن و 305 هەزار و 925 كەس بەشدارییان كرد، لەو ژمارەیە دوو ملیۆن و 861 هەزارو 473 كەس کە دەکاتە 92.73%ـی بەشداربووان، بە "بەڵی" دەنگیان بە سەربەخۆیی کوردستان دا.