پێنجەمین فێستیڤاڵی نێودەوڵەتی فیلمی سلێمانی بەڕێوەدەچێت

ئاڤا نیوز

لە پێنجەمین فێستیڤاڵی نێودەوڵەتیی فیلمی سلێمانی، 150 فیلم کێبڕکێ لەسەر بەدەستهێنانی 19 خەڵات دەکەن.

چیرۆکی سەرەکی: پێنجەمین فێستیڤاڵی نێودەوڵەتی فیلمی سلێمانی دەستپێدەکات، لە فێستیڤاڵەکەدا زیاتر لە 150 فیلم نمایش دەکرێت و کێبڕکێ لەسەر بەدەستهێنانی 19 خەڵات دەکرێت، خەڵاتەکانیش لەسەر بنەمای باشترین فیلم و ئەکتەر و دەرهێنان و چەندین پێوەری دیکە دابەش دەکرێت. 

لێدوانی فەرمی: ئاشنا ڕەئوف، وتەبێژی فێستیڤاڵی نێودەوڵەتی فیلمی سلێمانی بە ئاڤای ڕاگەیاند: لە ڕۆژانی 9 تا 16ی 10- 2025 فێستڤاڵی فیلمی سلێمانی بەڕێوە دەچێت، دەستپێکی لە زانکۆی سلێمانییەوە و کۆتاییەکەشی هەر لە هەمان زانکۆیە، ڕۆژانی دیکەش فیلمەکان لە سیتی سینەما نمایش دەکرێت.