شێخ دارا: ئەمشەو لە هەرێمی کوردستان ئەگەری بارانبارین هەیە

ئاڤا نیوز

شێخ دارا دەڵێت، کاریگەریی شەپۆلی باکوور کە لە سیبیریاوە هەڵیکردووە، نزیک بووەتەوە و ئەمشەو ئەگەری بارانبارین لە هەندێک شوێنی جیاجیای هەرێمی کوردستان هەیە.

چیرۆکی سەرەکی: ماوەی چەند ڕۆژێکە لە هەرێمی کوردستان گۆڕانکاری بەسەر کەشوهەوادا هاتووە و کەش فێنکبووە، دوای ئەوەی ئێوارەی ئەمرۆ پێشکەشکاری ئاڤا ڕایگەیاند پشێنینی بارانبارین دەکرێت، درەنگانی شەوی پێنجشەممە لە چەند ناوچەیەکی هەرێمی کوردستان یەکەم بارانی ئەمساڵ باری. 

لێدوانی فەرمی: شێخ دارا، پێشکەشکاری کەشوهەوای ئاڤا میدیا ڕایگەیاند، ئەمڕۆ پلەکانی گەرما لە چاو ڕۆژانی ڕابردوو، دوو پلە  بەرزبووەتەوە و بۆ بەیانی ڕۆژی هەینی بەهەمان شێوە دەبێت.

شێخ دارا دەڵێت، کاریگەریی شەپۆلی باکوور کە لە سیبیریاوە هەڵیکردووە، نزیک بووەتەوە و ئەمشەو ئەگەری بارانبارین لە هەندێک شوێنی جیاجیای هەرێمی کوردستان هەیە، هەروەها لە دەوروبەری پارێزگای ئەنبار و وڵاتی ئوردنیش بەهەمان شێوە بارانبارینێکی لاواز هەیە.

ئاماژە بەوەش دەکات، ئەگەر شەپۆلی دەریای سپیی ناوەڕاست دەستپێبکات و لەگەڵ شەپۆلەکەی جەمسەری باکوور تێکەڵ ببێت، ڕێژەی بارانبارینەکە لە هەرێمی کوردستان زیادتر دەبێت.

زانیاریی زیاتر: بەپێی پێشبنییەکانی کەشوهەوا کە شێخ دارا ئاماژەی پێدەکات، ئێستا لە زۆربەی شار و شارۆچکەکانی کوردستان پلەکانی گەرما لە شەودا لەژێر 10 پلەی سیلیزیدایە.

ئەوە پێویستە بیزانت: پلەکانی گەرمای شار و شارۆچکەکانی هەرێمی کوردستان بەم شێوەیەیە:

- هەولێر: بەرزترین 33 و نزمترین 22 پلە

- سلێمانی: بەرزترین 31 و نزمترین 19 پلە

- کەرکووک: بەرزترین 35 و نزمترین 25 پلە

- دهۆک: بەرزترین 28 و نزمترین 14 پلە

- هەڵەبجە: بەرزترین 33 و نزمترین 22 پلە

- زاخۆ: بەرزترین 32 و نزمترین 19 پلە

- سۆران: بەرزترین 29 و نزمترین 13 پلە

- ڕاپەڕین: بەرزترین 32 و نزمترین 19 پلە

- گەرمیان: بەرزترین 36 و نزمترین 23 پلە

- حاجی ئۆمەران: بەرزترین 20 و نزمترین 7 پلە

- ئاکرێ: بەرزترین 26 و نزمترین 12 پلە

- پێنجوێن: بەرزترین 22 و نزمترین 10 پلە