فەرەنسا پێشوازی لە ڕێککەوتنی هەناردەکردنەوەی نەوتی کوردستان دەکات

ئاڤا نیوز

دوای ڕێککەوتنی نێوان حکومەتی هەرێمی کوردستان و عێراق بۆ دەستپێکردنەوەی هەناردەکردنی نەوتی هەرێمی کوردستان، باڵیۆزی فەرەنسا لە عێراق دەڵێت، جێبەجێکردنی ئەم ڕێککەوتنە لە بەرژەوەندی هەموو لایەکە.

چیرۆکی سەرەکی: ڕۆژی پێنجشەممە 2025-09-25 بەفەرمی ڕێککەوتنی سێقۆڵی لەنێوان حکومەتی هەرێمی کوردستان و حکومەتی عێراق و کۆمپانیاکانی نەوت، لەبارەی هەناردەکردنەوەی نەوتی کوردستان ڕاگەیێنرا.

بڵاوکراوەی فەرمی: پاتریک دۆرێل، باڵیۆزی فەرەنسا لە عێراق لە تۆڕی ئێکس ڕایگەیاند، پێشوازی لە ڕێککەوتنی ڕاگەیێنراوی نێوان حکومەتی فیدراڵ و حکومەتی هەرێمی کوردستان دەکەم دەربارەی دەستپێکردنەوەی هەناردەکردنی نەوتی بەرهەمهاتووی هەرێمی کوردستان. جێبەجێکردنی ئەم ڕێککەوتنامەیە لە بەرژەوەندی هەموو لایەکە.

زانیاریی زیاتر: نەوتی هەرێمی کوردستان لە ڕێگای بۆریی نەوتی جەیهانی تورکی، جارێکی دیکە دەگاتەوە بازاڕی جیهانیی و لە لایەن کۆمپانیای سۆمۆوە بەبازاڕ بکرێت. بریارە کاتژمێر 6:00ـی سەرلەبەیانی ڕۆژی شەممە 2025-09-27، نەوتی کوردستان دوای زیاتر لە دوو ساڵ هەناردە بکرێتەوە.