بەریتانیا پێشوازی لە ڕێککەوتنی هەناردەکردنەوەی نەوتی کوردستان دەکات

ئاڤا نیوز

کونسوڵخانەی بەریتانیا لە هەولێر لە ڕاگەیێنراوێکدا پێشوازی لە ڕێککەوتنی هەناردەکردنەوەی نەوتی کوردستان دەکات و بە مێژوویی ناوی دەبات.

چیرۆکی سەرەکی: حکومەتی هەرێمی کوردستان، حکومەتی فیدراڵی عێراق و کۆمپانیاکانی نەوت لەسەر دەستکردنەوە بە هەناردەکردنەوەی نەوتی هەرێمی کوردستان لە ڕێگەی تورکیاوە ڕێککەوتن.

ڕاگەیێنراوی فەرمی: لە ڕاگەیێنراوێکدا کونسوڵخانەی بەریتانیا لە هەولێر دەڵێت، ئێمە پێشوازی لە ڕێککەوتنە مێژووییەکەی نێوان حکومەتی هەرێـمی کوردستان حکومەتی عێراقی فیدراڵ دەکەین بۆ کردنەوەی بۆری نەوتی عێراق – تورکیا.

ئەم ڕێککەوتنە هەنگاوێكی گرنگە بەرەو وەبەرهێنانی بەهێزتر و بوژانەوەی مەزنتر بۆ هەموو خەڵکی عێراق. ئێمە ستایشی بەغدا و هەولێر دەکەین بۆ پابەندییان بە گفتوگۆوە بۆ گەیشتن بەمە.

لەلایەکی دیکەوە: پێشتریش ئەمریکا پەیامێکی هاوشێوەی بڵاوکردەوە و پێشوازی لە ڕێککەوتنەکە کرد.