یەکێتیی ئەوروپا پێشوازی لە ڕێککەوتنی هەناردەکردنەوەی نەوتی کوردستان دەکات

ئاڤا نیوز

دوای ڕێککەوتنی نێوان حکومەتی هەرێمی کوردستان و عێراق بۆ دەستپێکردنەوەی هەناردەکردنەوەی نەوتی هەرێمی کوردستان، نێردەی یەکێتیی ئەوروپا لە  عێراق دەڵێت، کلیلی چەسپاندنی سەقامگیری و خۆشگوزەرانیە لە وڵات و ناوچەکە.

چیرۆکی سەرەکی: ڕۆژی پێنجشەممە 2025-09-25 بەفەرمی ڕێککەوتنی سێقۆڵی لەنێوان حکومەتی هەرێمی کوردستان و حکومەتی عێراق و کۆمپانیاکانی نەوت، لەبارەی هەناردەکردنەوەی نەوتی کوردستان ڕاگەیێنرا.

ڕاگەیێنراوی فەرمی: نێردەی یەکێتیی ئەوروپا لە عێراق لە تۆڕی کۆمەڵایەتی ئێکس ڕایگەیاند،  پێشوازی لە ڕێککەوتنی نێوان حکومەتی فیدراڵی و حکومەتی هەرێمی کوردستان دەکەن بۆ دووبارە هەناردەکردنەوەی نەوت لە ڕێگای بۆریی بۆ تورکیا.

هاوکاری لە نێوان حکومەتی عێراق و حکومەتی هەرێمی کوردستان کلیلی چەسپاندنی سەقامگیری و خۆشگوزەرانیە لە وڵات و ناوچەکە.

ئەوەی پێویستە بیزانیت: نەوتی هەرێمی کوردستان لە ڕێگای بۆریی نەوتی جەیهانی تورکی، جارێکی دیکە دەگاتەوە بازاڕی جیهانیی و لە لایەن کۆمپانیای سۆمۆوە بەبازاڕ بکرێت. بریارە کاتژمێر 6:00ـی سەرلەبەیانی ڕۆژی شەممە 2025-09-27، نەوتی کوردستان دوای زیاتر لە دوو ساڵ هەناردە بکرێتەوە.