بزووتنەوەی نوجەبا: هەڕەشەکانی نەتانیاهۆ پووچ و بەتاڵن

ئاڤا نیوز

بزووتنەوەی نوجەبا هەڕەشەکانی بنیامین ناتانیاهۆ، سەرۆکوەزیرانی ئیسرائیل، سەبارەت بە لەناوبردنی سەرکردەکانی گرووپە چەکدارەکانی عێراق بە "بووچ و بەتاڵ" ناودەبات و دەڵێت، ئەو مووشەک درۆنانەی ئاراستەی ئیسرائیلیان کردوون بەڵگەی بەهێزیی بەرەی مقاوەمەی عێراقن.

 

چیرۆکی سەرەکی: ڕۆژی هەینی، 27-9-2025، بنیامین ناتانیاهۆ، سەرۆکوەزیرانی ئیسرائیل لە وتارەکەیدا لەبەردەم کۆبوونەوەی گشتی نەتەوەیەکگرتووەکان هەڕەشەی لەناوبردنی سەرکردەکانی میلیشیاکانی عێراقـی لە ئەگەری هێرشکردنە سەر ئیسرائیل کرد و وتی "ڕژێمی ئەسەدمان لە سووریا لەناوبرد، جموجۆڵی گرووپە چەکدارەکانی  عێراقمان سڕکرد و سەرکردەکانیشیان ئەگەر هێرش بکەنە سەر ئیسرائیل، ئەوا لەناویاندەبەین".

 

لێدوانی فەرمی: حوسێن موسەوی، گوتەبێژی بزووتنەوەی نوجەبا ڕایگەیاند: وتارەکەی ناتانیاهۆ تەنیا هەڕەشەیەکی پووچە بۆ بەرگری لە شەڕی خاپوورکردنی غەززە، هەڕەشەکردن لە ئاشتی جیهانی و پێشێلکردنی هەموو بنەما نێودەوڵەتییەکانە و دەکرێت وەک هەواڵێک بۆ هەڵاتن لەو دۆخە تاڵەی کە خۆیی و دەوڵەتەکەی تێیدا دەژین، دابنرێت.

 

زانیاریی زیاتر: موسەوی، ئاماژەی بەوەشكرد، سەبارەت بە لێدوانەکەی ناتانیاهۆ بژاردەی كراوەیان دەبێت، ئەوانیش لەڕابردوودا هێزی "بەرەی مقاوەمەی عێراقیان" تاقی كردووەتەوە و هەموو ئەو مووشەك و درۆنانەی  ئاراستەی هەستیارترین ناوچەی ئیسڕائیل کراون بەڵگەی حاشا هەڵنەگری تواناکانی بزووتنەوەی نووجەبا و هاوپەیمانەکانیەتی.

 

ئەوەی پێویستە بیزانیت: بزووتنەوەى نوجەبا، گرووپێکى چەکداریى سەر بە شیعەی عێراقە، لە ساڵى 2013ـەوە دامەزراوە، لە عەسائیبی ئەهلى حەق جیابووەتەوە و لایەنێکی پێکهێنەری حەشدی شەعبییە.