لە مانگی 10 بارانبارین بەشێوەی پچڕ پچڕ دەستپێدەکات

ئاڤا نیوز

بەپێی پێشبینییەکانی کەشوهەوا، لە ناوەڕاستی ئەم هەفتەیەدا لە سەرتاسەری هەرێمی کوردستان پلەکانی گەرما نزم دەبنەوە. هاوکات، لە مانگی 10دا بارانبارین بەشێوەی پچڕ پچڕ دەستپێدەکات.

لێدوانی فەرمی: شێخ دارا، پێشکەشکاری کەشوهەوای ئاڤا میدیا ڕایگەیاند، بەهۆی نزیکبوونەوەی کاریگەریی شەپۆلی دەریای سوور، هەروەها کاریگەریی شەپۆلی جەمسەری باکوور، لە ناوەڕاستی ئەم هەفتەیەدا لە سەرتاسەری هەرێمی کوردستان پلەکانی گەرما نزم دەبنەوە، پێشبینیش دەکرێت لە مانگی 10دا بارانبارین بەشێوەی پچڕ پچڕ دەستپێبکات، بە تایبەت لە 15ـی مانگی 10 بەدواوە.

شێخ دارا دەشڵیت، ئەمڕۆ بەهۆی ئاراستەی باوە شەپۆلێکی خۆڵبارین بە ئاراستەی ناوەڕاست و باشووری عێراق دروست بووە، هەروەها لە هەرێمی کوردستانیش بەشێوەی پاودەر دروست بووە کە مەودای بینین دوو تا هەشت کیلۆمەتر دەبێت، بەڵام لە بەشەکانی دیکەی عێراق بەهۆی چڕی خۆڵبارینەکەوە، مەودای بینین 500 تا هەزار مەترە.

ئەوەی پێشبینی دەکرێت: شێخ دارا دەڵێت، بەپێی پێشبینییەکان بۆ ساڵی 2026  تا ساڵی 2028 بارانێکی زۆر دەبارێت، هەروەها لە ساڵی 2030 تا ساڵی 2050 ئەگەر هەیە ڕێژەیەکی هێندە زۆر بەفر ببارێت، لەوانەیە چەرخی بەستەلۆکی کۆن بێتەوە ناوچەکانی ڕۆژهەڵاتی ناوەڕاست.

ئەوە پێویستە بیزانت: پلەکانی گەرمای شار و شارۆچکەکانی هەرێمی کوردستان بەم شێوەیەیە:

- هەولێر: بەرزترین 34 و نزمترین 25 پلە

- سلێمانی: بەرزترین 31 و نزمترین 22 پلە

- کەرکووک: بەرزترین 36 و نزمترین 23 پلە

- دهۆک: بەرزترین 28 و نزمترین 15 پلە

- هەڵەبجە: بەرزترین 32 و نزمترین 21 پلە

- زاخۆ: بەرزترین 32 و نزمترین 18 پلە

- سۆران: بەرزترین 30 و نزمترین 14 پلە

- ڕاپەڕین: بەرزترین 32 و نزمترین 19 پلە

- گەرمیان: بەرزترین 37 و نزمترین 21 پلە

- حاجی ئۆمەران: بەرزترین 22 و نزمترین 8 پلە

- ئاکرێ: بەرزترین 31 و نزمترین 20 پلە

- پێنجوێن: بەرزترین 28 و نزمترین 15 پلە