ئەوانەی مامەڵەی گواستنەوەی خاوەندارێتی ئۆتۆمبێلیان هەیە لەلایەن هاتوچۆی هەرێم ئاگادار دەکرێنەوە

ئاڤا نیوز

هاتووچۆی هەرێمی کوردستان هاونیشتمانیان ئاگادار دەکاتەوە، لە کاتی پرۆسەی گواستنەوەی خاوەنداریەتی ئۆتۆمبێل (تحویل) و مامەڵەیان لە قۆناغی پشکنینی هەززە، پێویستە گرێبەستی ئەلیکترۆنییان پێ بێت.

وێنە گەورەکە: لە هەرێمی کوردستان بەشی هەرە زۆری مامەڵەکان بە ئەلیکترۆنی کراون. ماوەی چەند ساڵێکە بەڕێوەبەرایەتیی هاتوچۆی پارێزگاکان مامەڵەکانیان بە ئەلیکترۆنی کردووە، لەم چوارچێوەیە پێویستە هەموو گرێبەستێکی کڕینی ئۆتۆمبێل بە ئەلیکترۆنی بێ.

ڕاگەیێنراوی فەرمی: بەڕێوەبەرایەتیی هاتووچۆی هەرێمی کوردستان ڕایگەیاند، لە پێناو کار ئاسانی و خێرا ڕاپەڕاندنی مامەڵەی هاونیشتمانیان ئاگاداری هەموو ئەو کەسانە دەکرێتەوە کە دەچن بۆ بەڕاد (هەززە)ـی ئۆتۆمبێل پێویستە گرێبەستی ئەلیکترۆنییان لابێت. واتە دەبێ بەرلەوەی بچن بۆ هەززە ئەو گرێبەستەیان کردبێت.

بۆچی گرنگە: گرێبەستی ئەلیکترۆنی (العقد الألکترونی) یەکەم قۆناغی جێبەجێکردنی مامەڵەکەیە و بەگەیشتنی بۆ ناوبەڕێوەبەرایەتییەکانی هاتووچۆ ئەگەر گرێبەستەکە بەردەست نەبێت، ئەوا بەچەند ڕێگەیەکی دژوار هاونیشتمانی ناچار دەبێت لەڕێگەی دەستی دووەوە گرێبەست ئەنجام بدات، بەم هۆیەشەوە هەڵە و کەموکورتی و بارگرانی لەسەر شانی دروست دەبێت.