مەکتەبی سیاسیی یەکێتی دوایین کۆبوونەوەی نێوان سەرۆک بارزانی و بافڵ تاڵەبانی تاوتوێ دەکات

ئاڤا نیوز

بڕیارە ئەمڕۆ مەکتەبی سیاسیی یەکێتی لە سلێمانی کۆببێتەوە، بەشێکی کۆبوونەوەکە پەیوەست دەبێت بە کۆبوونەوەی دوێنێی نێوان سەرۆک بارزانی و بافڵ تاڵەبانی دەبێت.

چیرۆکی سەرەکی: ئەمڕۆ یەکشەممە، بەسەرپەرشتی بافڵ تاڵەبانی، سەرۆکی یەکێتی؛ مەکتەبی سیاسی یەکێتی لە سلێمانی کۆدەبێتەوە و دۆخی ناوچەکە هەنگاوەکانی  پێکهێنانی کابینەی نوێ تاوتوێ دەکات.

زانیاریی تایبەت: بەگوێرەی بەدواداچوونی ئاڤا، لە کۆبوونەوەی ئەمڕۆی مەکتەبی سیاسیی، هەڵوێستە دەکرێت لەسەر دواین کۆبوونەوەی نێوان سەرۆک مەسعود بارزانی و بافڵ تاڵەبانی، کە دوێنێ لە پیرمام کۆبوونەوە و چەند پێشهاتێکی گرنگی هەنووکەیی تاوتوێ کران. دیارترینیان پرسی پێکهێنانی کابینەی نوێی حکومەتی هەرێمی کوردستانە.

باکگراوند: ڕۆژی شەممە 2025-09-27 لە پیرمام، سەرۆک مەسعود بارزانی، پێشوازی لە بافڵ تاڵەبانی کرد. لە دیداری نێوانیان باسی بارودۆخی سیاسی عێراق و ناوچەکە و پرۆسەی سیاسی لە هەرێمی کوردستان کرا. هاوکات پرسی پێکهێنانی کابینەی نوێی حکومەتی هەرێمی کوردستان بەشێکی دیکەی بابەتی دیدارەکە بووە.