نەتانیاهۆ: بە مەرج کۆتایی بە جەنگی غەززە دەهێنین

ئاڤا نیوز

ئیسرائیل کار لەسەر پلانەکەی ترەمپ دەکات بۆ کۆتاییهێنان بە جەنگی غەززە، نەتانیاهۆش دەڵێت، هیوادارین بتوانین ڕێککەوتنەکە سەرکەوتوو بێت.

وێنە گەورەکە: سەبارەت بە کۆتاییهێنانی جەنگی غەززە و پلانە 21 خاڵییەکە، سبەی دۆناڵد ترەمپ، سەرۆکی ئەمریکا لە کۆشکی سپی لەگەڵ بنیامین نەتانیاهۆ، سەرۆکوەزیرانی ئیسرائیل کۆدەبێتەوە.

لێدوانی فەرمی: لە چاوپێکەوتنێکدا لەگەڵ کەناڵی فۆکس نیوزی ئەمریکی نەتانیاهۆ ڕایگەیاند، خەریکی کارکردنین لەسەر پلانە 21 خاڵییەکەی دۆناڵد ترەمپ بۆ کۆتاییهێنان بە جەنگی غەززە و هیوادارین بتوانین ئەم ڕێککەوتنە بە سەرکەوتوویی بەرەوپێش ببەین.

زانیاریی زیاتر: نەتانیاهۆ وتیشی، ئێمە هێشتا لەسەر وردەکارییەکانی ئەو ڕێککەوتنەی ترەمپ پێشنیازی کردووە، ڕێک نەکەوتووین.

جەختی لەوەشکردەوە، ئەگەر سەرکردایەتی حەماس بارمتەکان ئازادبکەن و کۆتایی بەجەنگ بهێنن، ئەوا ڕێگەدەدەین بە سەلامەتی لە غەززە دەربچن.