کۆمپانیای گەڵف کیستۆن: لە چەند ڕۆژی داهاتوودا بڕی هەناردەکردنی نەوت لە شێخان دەگاتە تەواوی توانای خۆی

ئاڤا نیوز

کۆمپانیای گەڵف کیستۆن کە لە کێڵگەی نەوتی شێخان لە سنووری پارێزگای دهۆک بەرهەمهێنان دەکات لەبارەی دەستپێکردنەوەی هەناردەکردنی نەوتی هەرێمی کوردستان خۆشحاڵی خۆی دەڕبڕی و دەڵێت، لە چەند ڕۆژی کەمی داهاتوودا هەناردەکردنەوەی نەوت دەگاتە تەواوی توانای خۆی.

وێنە گەورەکە: دوای ئەوەی لە ساڵی 2023 هەناردەکردنی نەوتی هەرێمی کوردستان ڕاگیرا، ڕۆژی 27ـی ئەیلوولی 2026، هەناردەكردنی نەوتی هەرێمی كوردستان بۆ بازاڕەكانی جیهان دەستیپێکردەوە، ئەوەش دوای 30 مانگ لە وەستانی دواجار هەولێر و بەغدا لەسەر هەناردەكردنەوەی نەوت گەیشتنە ئەنجام و ڕێككەوتنی سێقۆڵی لەنێوان هەردوو حكومەتی هەرێمی كوردستان و حكومەتی فیدراڵ و كۆمپانیاكانی بەرهەمهێنانی نەوتی كوردستان واژۆ كرا.

بڵاوکراوەی فەرمی: کۆمپانیای گەڵف کیستۆن ڕایگەیاند، ''چاوەڕوان دەکرێت لە ڕۆژانی داهاتوودا هەناردەکردنەوەی نەوت بگاتە تەواوی توانای خۆی، هاوکات ئاماژە بەوەش دەکات، تا کۆتایی ساڵی 2025 تێکڕای ئاستی بەرهەمهێنانی نەوت لەو  کێڵگەیەدا ڕۆژانە بۆ 40 هەزار تا 42 هەزار بەرمیل نەوت دەبێت ئەمەش لە کاتێکدایە، تێکڕای بەرهەمهێنانی نەوت لە کێڵگەی شێخان لە سەرەتای ئەمساڵەوە ڕۆژانە 40 هەزار بەرمیل نەوت بووە''