عەبدوڵڵا حاجی مەحموود: بەشداری کۆنگرەی پارتی سۆسیال دیموکرات دەکەم

ئاڤا نیوز

 

سەرەڕای بڕیاری دوورخستنەوەی لە پارتی سۆسیال دیموکرات، بەڵام عەبدوڵڵا حاجی مەحموود بڕیاری داوە بەشداری لە کۆنگرەی هەشتەمی پارتەکە بکات.

 

چیرۆکی سەرەکی: بڕیارە سبەی پارتی سۆسیال دیموكرات كۆنگرەی نائاسایی ببەستێت بەو ئامانجەی  خۆیان ڕێکبخەنەوە.

 

لێدوانی فەرمی: عەبدوڵڵای حاجی مەحموود نووسراوێکی کۆمیسیۆنی هەڵبژاردنەکانی عێراقی بڵاوکردەوە و ڕایگەیاند: “بە فەرمی لەلایەن کۆمیسیۆنەوە وەک جێگری سەرۆکی پارتی سۆسیال دیموکرات ناسێنراوم و بڕیاری دوورخستنەوەشم بە نایاسایی دانراوە”.

 

ئەوەش بزانە: عەبدوڵڵای حاجی مەحموود ئامادەی خۆی و پشتیوانانی لە ئەنجوومەنی سەرکردایەتی کە "بڕیاری سڕکردنیان هەڵوەشاوەتەوە"، بۆ بەشداریکردن لە کۆنگرە ڕاگەیاندووە. 

 

چی ڕوویدا؟ بەهۆی وەرگرتنی پۆستە حیزبییەکان، لە ماوەی ڕابردوو چەندین جار شەڕ و ئاڵۆزی لەنێوان محەممەدی حاجی مەحموود و عەبدوڵڵای برای ڕوویداوە و چەند جارێکیش هێزەکانیان ڕووبەڕووی یەکتر بوونەتەوە.

 

ئەوەی پێویستە بیزانیت: ئێستا پارتەکە سەرقاڵی ئامادەكارییە بۆ بەستنی کۆنگرە و دەیانەوێت بە زووترین كات و پێش بەڕێوەچوونی هەڵبژاردنی پەرلەمانی كوردستان، كۆنگرە ببەستن. 

 

ئەوەی چاوەڕوان دەکرێت: ناکۆکی ئەو دوو برایە پێناچێت بەئاسانی چارەسەر بێت و کۆنگرە کێشەکانیان بنبڕ بکات، بەوپێیەی هەردووکیان بە دوو هاوپەیمانێتیی جیا بەشداری لە هەڵبژاردن دەکەن.