بە سپۆنسەریی ئاڤا میدیا پێشانگەی هایتێکس 2025 لە هەولێر دەکرێتەوە

ئاڤا نیوز

فەرمانگەی تەکنەلۆجیای زانیاری وەک بەرزترین دامەزراوەی حکومەتی هەرێمی کوردستان بەشداری پێشانگەی هایتێکس 2025 دەکات و پڕۆژە گرنگە دیجیتاڵییەکان و دیدگەی خۆی بۆ داهاتووی دیجیتاڵی له کوردستان دەخاتە ڕوو. ئاڤا میدیا سپۆنسەری میدیایی پێشانگەکە دەکات.

ڕاگەیێنراوی فەرمی: فەرمانگەی تەکنەلۆجیای زانیاری ڕایگەیاند، فەرمانگەکەیان وەک بەرزترین دامەزراوەی حکومەت بۆ جێبەجێکردنی وەرچەرخانی دیجیتاڵی لە کوردستان وەک هاوبەشی فەرمی حکومی لە هایتێکسی 2025 بەشدارە، فەرمانگە پڕۆژە گرنگە دیجیتاڵییەکان و دیدگەی خۆی بۆ داهاتووی دیجیتاڵی له کوردستان دەخاتە ڕوو.

لە ڕاگەیێنراوەکەدا هاتووە، "لە پێشانگەی هایتێکس 2025 بە نوێترین دەستپێشخەرییەکانی فەرمانگە بۆ پێشکەشکردنی خزمەتگوزارییەکانی حکومەت بەشێوەیەکی دیجیتاڵی ئاشناتان دەکەین".

ئەوەی پێویستە بیزانیت: پێشانگەی تەکنەلۆژیی هایتێکس ڕۆژانی 7 تاکو 10ـی مانگی 10 لە پێشانگەی نێودەوڵەتی هەولێر بە دروشمی "هایتێکس، جیهان دێنێتە هەولێر" بەڕێوەدەچێت کە 37 کۆمپانیای نێودەوڵەتی بەشداریی دەکەن.

ئەمەش بزانە: کەناڵی ئاڤا میدیا سپۆنسەری میدیایی پێشانگەی هایتێکس 2025 _ە.