کۆمسیۆن: تا ڕۆژی دەنگدان لە دابەشکردنی کارتی بایۆمەتری بەردەوام دەبین

ئاڤا نیوز

کۆمسیۆنی باڵای سەربەخۆی هەڵبژاردنەکانی عێراق، ئاشکرای کرد، تا ڕۆژی دەنگدان، بەردەوام دەبن لە دابەشکردنی کارتی بایۆمەتری و داوای لەدەنگدەرانیش کرد سەردانی بنکەکانی تۆمارکردن بکەن بۆ وەرگرتنەوەی کارتەکانیان.

 وێنە گەورەکە: بۆ هەڵبژاردنی پەرلەمانی عێراق کە بڕیارە لە 11ـی 11ـی ئەمساڵ بەڕێوەبچێت، 21 ملیۆن و 404 هەزار و 291 کەس مافی دەنگدانیان هەیە و حەوت هەزار و 768 کاندیدیش کێبڕکێ لەسەر 329 کورسییەکەی پەرلەمان دەکەن.

بڵاوکراوەی فەرمی: کۆمیسیۆنی باڵای سەربەخۆی هەڵبژاردنەکانی عێراق،  لە بەیاننامەیەکدا، ڕایگەیاند: بنکەکانی کۆمسیۆن لەسەرجەم پارێزگاکانی عێراق بەهەرێمی کوردستانیشەوە لە دابەشکردنی کارتی بایۆمەتری تاوەکو ڕۆژی دەنگدان بەردەوام دەبن 

زانیاریی زیاتر: کۆمسیۆن داوا لەو دەنگدەرانە دەکات کە زانیارییەکانیان نوێ کردووەتەوە، بۆ وەرگرتنەوەی کارتەکانیان، سەردانی بنکەکانی تۆمارکردن بکەن. 

ئەمەش بزانە:  بەرەبەیانی ڕۆژی هەینی، 2025-10-03 بانگەشەی هەڵبژاردن بۆ هەڵبژاردنی پەرلەمانی عێراق دەستپێدەکات، ماوەی بانگەشەش 37 ڕۆژ بەردەوام دەبێت.