سوودانی: کارنامەی حکومەت ڕێگە بەهەڵگرتنی چەک لە دەرەوەی دەسەڵاتی دەوڵەت نادات

ئاڤا نیوز

سەرۆکوەزیرانی عێراق ئاشکرای کرد، کۆتایی هاتنی ئەرکی هاوپەیمانی نێودەوڵەتی، پاساو نییە بۆ بەردەوامبوون لە هەڵگرتنی چەک لە دەرەوەی دەسەڵاتی دەوڵەتدا.

وێنە گەورەکە: گرووپە چەکدارەکانی عێراق چەندین باڵی سەربازی لەدەرەوەی دەسەڵاتی دەوڵەتدا لەخۆدەگرێت لە سەرووی بڕیارەکانی حکومەتی عێراق مامەڵە دەکەن، ژمارەی چەکدارەکانیان بە دەیان هەزار چەکدار مەزەندە دەکرێت، ئەمەش مەترسییە بۆ سەر سەروەریی عێراق و ئەمریکا و ئیسرائیلیش بەردەوام هەڕەشەی لەناوبرن یان چەکداماڵینیان دەکەن.

 
لێدوانی فەرمی: محەممەد شیاع سوودانی، لە چاوپێکەوتنێکی تەلەفزیۆنیدا ڕایگەیاند: سنووردارکردنی چەک بە دەست دەوڵەتەوە یەکێکە لە کارنامەی حکومەتەکەی و کۆتایی هاتنی ئەرکی هاوپەیمانی نێودەوڵەتیش پاساو نییە بۆ بەردەوامبوون لە هەڵگرتنی چەک لە دەرەوەی دەسەڵاتی دەوڵەتدا.

زانیاریی زیاتر: جەختی لەوە کردەوە کە حکومەتەکی دەستی بە هەنگاوی جددی کردووە بۆ بەهێزکردنی دەسەڵاتی دەوڵەت و گەیشتن بە ئاسایش و سەقامگیری هاووڵاتیان.

ئەمەش بزانە: سوودانی ئاماژەی بەوەشدا، ئێستا هێزە ئەمنییەکانی عێراق ڕووبەڕووبونەوەی هەموو هەڕەشەیەکن و داعشی تیرۆریستیش ئێستا  هەڕەشە نییە.