ترەمپ: دەبێت ئیسرائیل دەستبەجێ هێرشەکانی بۆ سەر غەززە بوەستێنت

ئاڤا نیوز

دۆناڵد ترەمپ، سەرۆکی ئەمریکا بەرامبەر بە وەڵامەکەی حەماس بۆ پلانەکەی بۆ ئاشتیی غەززە کاردانەوەی نیشان دا و داوای کرد ئیسرائیل هێرشەکانی ڕابگرێت.

ڕاگەیێنراوی فەرمی: ترەمپ لە تۆڕی کۆمەڵایەتیی تروس سۆشیاڵ نووسیویەتی:

"لەسەر بنەمای ئەو بەیاننامەیەی کە تازە لەلایەن حەماسەوە دەرچووە، پێموایە ئەوان ئامادەن بۆ ئاشتییەکی بەردەوام. ئیسرائیل دەبێت دەستبەجێ بۆردومانەکانی غەززە ڕابگرێت، تا بتوانین بارمتەکان بە سەلامەتی و بە خێرایی دەربهێنین! ئێستا، زۆر مەترسیدارە ئەو کارە بکرێت. ئێمە لە ئێستاوە لە گفتوگۆداین لەسەر وردەکارییەکان کە دەبێت کاریان لەسەر بکرێت. ئەمە تەنیا سەبارەت بە غەززە نییە، ئەمە سەبارەت بە ئاشتییە لە ڕۆژهەڵاتی ناوەڕاستدا کە لەمێژە بەدوایدا دەگەڕێین."

زانیاریی زیاتر: ترەمپ هەروەها لە گرتەیەکی ڤیدیۆیی کورتتدا سەبارەت بە گفتوگۆکانی داهاتووی غەززە دەڵێت "دەبێت هەمووان بە دادپەروەرانە مامەڵەیان لەگەڵدا بکرێت". ئەو هەروەها سوپاسی هەر یەکە لە قەتەر، تورکیا، سعودیە، میسر، ئوردن، زۆر وڵات و زۆر کەسی دیکە دەکات کە بە هۆی هەوڵەکانیانەوە ئەم ڕێککەوتنە هاتووەتە دی.