لە هەولێر بە بەشداری 15 وڵات پاڵەوانێتی دێرینەكانی شەترەنجی ئاسیا دەستپێدەکات

ئاڤا نیوز

بۆ یەکەمجارە لە هەولێر پاڵەوانێتی دێرینەكانی شەترەنجی ئاسیا بە بەشداری 15 وڵات و 44 یاریزان بەڕێوەبچێت و بۆ ماوەی نۆ ڕۆژ بەردەوام دەبێت.

چیرۆکی سەرەکی: ئێوارەی ڕۆژی یەکشەممە 2025-10-05، بەئامادەبوونی ڕێبەر ئەحمەد، وەزیری ناوخۆ و سەفین موحسین دزەیی، بەرپرسی پەیوەندییەکانی دەرەوەی حکومەت و ئومێد خۆشناو، پارێزگاری هەولێر و دیپلۆماتکار و بەرپرسانی یەکێتی شەترەنجی ئاسیا و عیراق، گەورەترین پاڵەوانێتی بۆ یاریزانە دێرینەکانی شەترەنج لەسەر ئاستی كیشوەری ئاسیا لە هەولێر بەڕێوەچوو كە یەكێتی شەترەنجی ئاسیا و یەكێتی شەترەنجی عێراق بەهەماهەنگی یانەی شەترەنجی خانزاد سەرپەرشتی دەكەن.

ڕاگەیێنراوی فەرمی: فەرمانگەی پەیوەندییەکانی دەرەوەی حکومەتی هەرێمی کوردستان ڕایگەیاند، لە پاڵەوانێتییەکەدا 15 وڵات بە 44 یاریزانەوە بەشدار دەبن، ماوەی نۆ ڕۆژیش بەردەوام دەبێت.

بەپێی ڕاگەیێنراوەکە، ئەم پاڵەوانێتییە یەكەمجارە لە هەرێمی كوردستان و عێراق ئەم پاڵەوانەتێتییە بە بەشداری شەترەنجزانانی دێرینی وڵاتان بەڕێوەدەچێت، لەنێو یاریزانەکانیشدا چەند گراندماستەرێك لەسەر ئاستی ئافرەتان و پیاوان بەشداری دەكەن كە خاوەنی بەرزترین بڕوانامەی شەترەنجن و تەمەنیان لە سەرووی 50 ساڵییەوەیە.

ئەمەش بزانە: لە پاڵەوانێتییەکەدا، هەریەکە لە "هەڵبژاردەی کوردستان، عێراق، ڕووسیا، ئێران، پاكستان، سووریا، ئوردن، كوێت، كازاخستان، یەمەن، كەمبۆدیا، فەڵەستین، عومان، ئەفغانستان و هیند" بەشدارن.