ڕەوتەکەی سەدر دەنگۆیەک لەبارەی هەڵبژاردن ڕەتدەکاتەوە

ئاڤا نیوز

ڕەوتی نیشتمانی شیعە بە سەرۆکایەتیی موقتەدا سەدر ئەو هەواڵانە ڕەتدەکاتەوە کە بە ناوی ئەوەی بڵاوکرابوونەوە گوایە ڕەوتەکە بڕیاری داوە بەشداریی هەڵبژاردن بکات.

ببینە و ببیستە: نووسراوێک لە ڕاگەیاندن و سۆشیاڵ میدیاکاندا بڵاوکراوەتەوە بە ناوی نووسینگەی موقتەدا سەدرەوە و تێیدا هاتووە ڕەوتەکە گەڕاوەتەوە نێو پرۆسەی سیاسی و بڕیاریداوە بەشداریی لە هەڵبژاردنی داهاتووی پەرلەماندا بکات.

ڕاگەیێنراوی فەرمی: نووسینگەی موقتەدا سەدر، سەرۆکی ڕەوتی نیشتمانی شیعە لە ڕاگەیێنراوێکدا ئەو نووسراوەی ڕەتکردەوە و ڕایگەیاند: ساختەیە.

ئەوەی پێویستە بیزانیت: ڕەوتەکەی سەدر بڕیاری داوە هەڵبژاردنی ئەمجارەی پەرلەمانی عێراق بایکۆت بکات، وەک هەڵوێستێک دژی "گەندەڵی و گەندەڵکاران".