شێخ دارا: زستانی ئەمساڵ قەرەبووی دوو ساڵی ڕابردوو دەکاتەوە

ئاڤا نیوز

بەپێی پێشبینییەکان، لە ڕۆژانی داهاتوو پلەکانی گەرما بە تەواوەتی دادەبەزن. پێشکەشکاری کەشوهەوای ئاڤا میدیا ئاشکرای دەکات، زستانی ئەمساڵ دڵخۆشکەر دەبێت و قەرەبووی دوو ساڵی ڕابردووی دەکاتەوە.

لێدوانی فەرمی: شێخ دارا، پێشکەشکاری کەشوهەوای ئاڤا میدیا ڕایگەیاند، پلەکانی گەرما ئەمڕۆش یەکسان بوو بە هەمان پلەی گەرمی ڕۆژەکانی ڕابردوو، بەڵام لە ڕۆژانی داهاتوودا پلەکانی گەرما بە تەواوی دادەبەزن.

باس لەوەش دەکات، بەپێی زۆربەی ئاماژەکان، زستانی ئەمساڵ دڵخۆشکەر دەبێت و بە ڕێژەی بارانبارین قەرەبووی دوو ساڵی ڕابردوو دەکاتەوە.

ئەوە پێویستە بیزانت: پلەکانی گەرمای شار و شارۆچکەکانی هەرێمی کوردستان بەم شێوەیەیە:

- هەولێر: بەرزترین 34 و نزمترین 22 پلە

- سلێمانی: بەرزترین 32 و نزمترین 21 پلە

- کەرکووک: بەرزترین 36 و نزمترین 24 پلە

- دهۆک: بەرزترین 30 و نزمترین 15 پلە

- هەڵەبجە: بەرزترین 33 و نزمترین 22 پلە

- زاخۆ: بەرزترین 32 و نزمترین 18 پلە

- سۆران: بەرزترین 31 و نزمترین 14 پلە

- ڕاپەڕین: بەرزترین 32 و نزمترین 20 پلە

- گەرمیان: بەرزترین 37 و نزمترین 23 پلە

- حاجی ئۆمەران: بەرزترین 24 و نزمترین 8 پلە