فوئاد حوسێن: گرژییەکانی ناوچەکە کاریگەرییان لەسەر هەڵبژاردنی عێراق نابێت

ئاڤا نیوز

وەزیری دەرەوەی عێراق دەڵێت، گرژییەکانی ناوچەکە کاریگەرییان لەسەر بەڕێوەچوونی هەڵبژاردنی پەرلەمانی عێراق نابێت و و ئامادەکارییەکان بەپێی وادەی دیاریکراوی خۆیان بەڕێوەدەچن.

 

لێدوانی فەرمی: فوئاد حوسێن، وەزیری دەرەوەی عێراق دەڵێت، هیچ ئاماژەیەک بۆ دواخستنی هەڵبژاردنی پەرلەمانی عێراق نییە، چونکە کۆمیسیۆنی باڵای سەربەخۆی هەڵبژاردنەکان بەردەوامە لە کارەکانی و بانگەشەی کاندیدەکانیش بە شێوەیەکی ئاسایی بەڕێوەدەچێت. 

 

زانیاریی زیاتر: سەبارەت بە ئەگەری هەڵگیرسانی جەنگ لە ناوچەکە، بە تایبەتی لەگەڵ زیادبوونی هەڕەشەکان لە نێوان ئیسڕائیل و ئێران، فوئاد حوسێن ئاماژەی بەوەکرد، هەندێک نیگەرانی هەیە و ناتوانرێت پێشبینیی هەڵسوکەوتی بنیامین ناتانیاهۆ، سەرۆکوەزیرانی ئیسرائیل بکرێت.

 

ئەمەش بزانە: وەزیری دەرەوەی عێراق دڵنیایی دەدات، کە دۆخی عێراق جێگیرە و هیچ مەترسییەک نییە ڕێگری لە بەڕێوەچوونی هەڵبژاردنی پەرلەمانی عێراق بکات.