نێچیرڤان بارزانی و پلاسخارت: بەردەوامین لە نەهێشتنی بەربەستەکانی بەردەم هەڵبژاردن

ئاڤا نیوز

سەرۆکی هەرێمی کوردستان و نوێنه‌ری نه‌ته‌وه‌یه‌كگرتووه‌كان ڕایدەگەیێنن، بەردەامن لە هه‌وڵی هه‌مه‌لایه‌نه‌ بۆ لابردنی به‌ربه‌سته‌كانی به‌رده‌م هەڵبژاردن.

چیرۆکی سەرەکی: نێچیرڤان بارزانی، سەرۆکی هەرێمی کوردستان و جێنین پلاسخارت، نوێنه‌ری تایبه‌تی سكرتێری گشتیی نه‌ته‌وه‌یه‌كگرتووه‌كان له‌ عێراق، پرسی هه‌ڵبژاردنی په‌رله‌مانی كوردستانیان تاوتوێ كرد.

ڕاگەیێنراوی فەرمی: هه‌ردوولا هاوڕابوون له‌سه‌ر پێویستی و گرنگیی ئه‌نجامدانی هه‌ڵبژاردن، تیشكیان خسته‌ سه‌ر تێبینیی لایه‌نه‌ سیاسییه‌كان، هه‌وڵی هه‌مه‌لایه‌نه‌ بۆ لابردنی به‌ربه‌سته‌كانی به‌رده‌م پرۆسه‌كه‌ و، دڵنیابوون له‌ به‌شداریی هه‌موو لایه‌نه‌كان له‌ پرۆسەکەدا.

بۆچی گرنگە: پارتی وەک گەورەترین حیزبی هەرێمی کوردستان، تێبینی لەسەر شێوازی هەڵبژاردن هەیە و ئامادە نییە بەشداری پرۆسەکە بکات، بۆیە پێناچێت مانگی شەشی ئەمساڵ هەڵبژاردن بکرێت.