ژمارە بۆ دارە بەتەمەنەکانی کەرکووک دەدانرێت

ئاڤا نیوز

 

سەرجەم دارە بە تەمەنەکانی نێو کوچە و کۆڵانەکانی شاری کەرکووک ژمارەی تایبەتیان بۆ دادەنرێت، ئامانج لەو کارەش پاراستنی ژینگە و دارە بەتەمەنەکانی شارەکەیە.

 

چیرۆکی سەرەکی: شارەوانیی کەرکووک لەڕێگەی بەشی باخچە و پارکەکان و بەهەماهەنگیی دوو ڕێکخراوی دیکە، دەستی کردووە بە پڕۆسەی دانانی ژمارە و داتابەیس بۆ سەرجەم دارە بە تەمەن و جیاوازەکانی نێو شارەکە.

 

لێدوانی فەرمی: عەدنان شوکر، بەرێوەبەری ڕاگەیاندنی شارەوانیی کەرکووک بە ئاڤای ڕاگەیاند: پڕۆسەکە بۆ پاراستنی ژینگەی شارەکە و پارێزگاریکردنە لە دارە بە تەمەنەکان، بۆیە لە قۆناغی یەکەمدا ژمارەمان بۆ 50 داری جیاواز داناوە، بڕیاریشە بۆ قۆناغی دووەم 100 دار لە جۆری جیاواز ژمارەیان بۆ دابنرێت کە کەوتوونەتە گەڕەکە جیاوازەکانی شارەکەوە.

 

هۆکارە زانراوەکان؛ ئامانجی سەرەکی پڕۆژەکە بۆ پاراستنی دارە بە تەمەنەکانە لە بڕینەوە و شێواندن، هەروەها داتابەیسێکی تایبەتیان بۆ دادەنرێت. پڕۆسەکە تایبەت نییە بە جۆرێکی دیاریکراوی دار، بەڵکو هەموو دارێکی بە تەمەن و جۆریکی جیاواز دەگرێتەوە. بەرێوەبەری ڕاگەیاندنی شارەوانیی کەرکووک وا دەڵێت.