وەرگرتنی كارمەند بۆ سەر سندووقەكانی دەنگدان دەست پێدەكات

ئاڤا نیوز

 

کۆمیسیۆنی هەڵبژاردنەکانی عێراق وەک بەشێک لە ئامادەکارییەکانی بۆ هەڵبژاردنی پەرلەمانی کوردستان، دەست بە وەرگرتنی كارمەندان دەکات بۆ سەر سندووقەكانی دەنگدان.

وێنە گەورەکە: هەرچەندە بەهۆی ئەوەی پارتی تێبینی لەسەر شێوازی بەڕێوەچوونی هەڵبژاردن هەیە و ئامادەنییە بەم شێوازە بەشداری بکات، بۆیە پێناچێت هەڵبژاردن لە وادەی خۆیدا بکرێت، بەڵام کۆمسیۆن بەردەوامە لە ئامادەکارییەکانی.

 

ڕاگەیێنراوی فەرمی: کۆمیسیۆن لە ڕۆژی پێنجشەممە 4-4-2024 تاوەکو 20-4-2024 دەرگای وەرگرتنی کارمەندان بۆ سەر سندووقەکانی دەنگدان دەکاتەوە و لەڕێگەی ئەو لینکەوە (pcemp.ihec.iq) دەتوانن داواکاری پێشکەش بکەن.

 

ئەوەی پێویستە بیزانیت: فەرمانبەران جگە لە هێزە ئەمنی و سەربازییەکان دەتوانن داواكاری پێشكەش بكەن، هاوکات دەرچووەکانیش نابێت بڕوانامەیان لە دیبلۆم کەمتر بێت.