سەرۆکوەزیرانی کوردستان بەردی بناغەی پەیمانگای ئەزهەری لە هەولێر دانا

ئاڤا نیوز

پەیمانگای ئەزهەر یەکەم پەیمانگای ئاینی ئەزهەرە لەسەر ئاستی عێراق کە لە شاری هەولێرە ئەمڕۆ لەلایەن مەسرور بارزانی، سەرۆکوەزیرانی کوردستان بەردی بناغەی باڵەخانەی پەیمانگەکە دانرا.

وێنە گەورەکە: لە هەرێمی کوردستان چەندین کۆلیژ و پەیمانگای ئاینی هەیە، کە تیایدا مامۆستای ئاینی بۆ پێشنوێژ و وتارخوێن پێدەگەیەنێت.

لێدوانی فەرمی: نەبەز ئیسماعیل، وتەبێژی وەزارەتی ئەوقاف و کاروباری ئاینی بە ئاڤا میدیای وت، پەیمانگای ئەزهەر تاکە پەیمانگایە لەسەر ئاستی عێراق لە ساڵی 2008 دامەزراوە، بەڵام باڵەخانەیان نەبوو، ئەمڕۆ لە گەڕەکی ڕۆشنبیری هەولێر لە تەنیشت مزگەوتی ڕێگای بەهەشت لەلایەن سەرۆکوەزیرانی کوردستانەوە بەردی بناغەی پەیمانگەکە دادەنرێت.


زانیاریی تایبەت: ئاڤا زانیویەتی گوژمەی باڵەخانەی پەیمانگای ئەزهەر زیاتر لە یەک ملیار دینارە.

لەلایەکی دیکەوە: هاوکات هەر ئەمڕۆ سەرۆکوەزیرانی کوردستان خەڵات بەسەر دەرچووانی خولی یەکەم و دووەمی پێشنوێژ و وتارخوێنان دابەش دەکات کە ژمارەیان 70 پێشنوێژ و وتارخوێنن.