لە دژایەتییەوە بۆ پشتیووانی؛ کلینتۆن ستایشی ترەمپ دەکات

ئاڤا نیوز

هیلاری کلینتۆن کاندیدی پێشووی دیموکراتەکان بۆ پۆستی سەرۆکایەتیی ئەمریکا، تیشکی خستە سەر پلانەکەی دۆناڵد ترەمپ، سەرۆکی ئەمریکا لەبارەی غەززە و  بە هەنگاوێکی گرنگ وەسفی کرد، لە کاتێکدا لە زۆربەی لێدوانەکانیدا دژ بە بڕیاری ناوبراو وەستاوەتەوە

لێدوانی فەرمی: هیلاری کلینتۆن لە چاوپێکەوتنێکدا لەگەڵ کەناڵی سی بی ئێس نیوز ڕایگەیاند، ئەم یەکەم هەنگاوە و گرنگیشە بەڕاستی دەستخۆشی لە سەرۆک ترەمپ و ئیدارەکەی دەکەم لەگەڵ سەرکردەکانی وڵاتانی عەرەب، بۆ پابەندبوونیان بە پلانە 20 خاڵیییەکە، هاوکات لەبارەی پلانەکە وتیشی لە هەمووی گرنگتر، هیوادارین ململانێکان بە ئاگربەست کۆتایی بێت،  جەختی لەسەر بەپەلەیی جێبەجێکردنی قۆناغە سەرەتاییەکان کردەوە

باکگراوند: هیلاری کلینتۆن چالاکوانی دیموکراتەکان و وەزیری پێشووتری دەرەوەی ئەمریکا، لە هەڵبژاردنی سەرۆکایەتیی  2016ـی ئەمریکادا کیلنتۆن کاندیدی دیموکراتەکان بوو بۆ پۆستی سەرۆکایەتیی ئەمریکا لەگەڵ ترەمپ لە کێبڕکێیدابوو، بەڵام دواجار ترەمپ توانی بەسەر ناوبراودا سەربکەوێت