ئاڤای خەڵک؛ دانیشتووانی گەڕەکی هەولێری نوێ داوای دانانی تاسەیەک دەکەن

ئاڤا نیوز

ژمارەیەک هاووڵاتی لە گەڕەکی هەولێری نوێ داوایان لە ئاڤای کردووە دەنگیان بگەیەنێت بە لایەنی پەیوەندیدار، بەهۆی ئەوەی شەقامێکی خێرا لەبەردەم ماڵەکانیانە ئۆتۆمبێل زۆر بەخێرایی تێپەڕ دەبێت، ئەمەش ڕووداوی لێکەوتووەتەوە هەر بۆیە داوای دروستکردنی تاسەیەک دەکەن. 

چیرۆکی سەرەکی: گەڕەکی هەولێری نوێ لە هەولێر شەقامێکی خێرایی بێ تاسەی هەیە بەهۆیەوە شۆفێران زۆر کات تیژڕەوی دەکەن و ئەمەش ڕووداوی هاتووچۆ و شێلانی منداڵی لێکەوتووەتەوە. 

لێدوانی فەرمی: نەبەز عەبدولحەمید، قایمقامی هەولێر دەڵێت، داواکاریەکەیان وەردەگرین و بە نووسراوی فەرمی دەینێرین بۆ ئەندازەی هاتووچۆ بۆ ئەوەی سەردانی شوێنەکە بکەن و هەڵسەنگاندنی بۆ بکەن، ئەگەر تاسەی پێویستبوو بە دڵنیاییەوە بۆیان دادەنێین.