کابینەی نۆیەم هەزار و 840 مێگاوات بەرهەمهێنانی کارەبای زیاد کردووە

ئاڤا نیوز

بە دامەزراندنی ژمارەیەک وێستگەی بەرهەمهێنانی کارەبا لە ساڵی 2019ـەوە هەزار و 840 مێگاوات بەرهەمهێنانی کارەبا زیاد کراوە.

وێنە گەورەکە: کابینەی نۆیەمی حکومەتی هەرێمی کوردستان بە پلانێکی ستراتیژی کاری لە سێکتەری کارەبا کردووە، لە ڕووی بەرهەمهێنان و گواستنەوە و دابەشکردنی کارەبا، بۆ ئەوەی لە چوارچێوەی پرۆژەی ڕووناکی کارەبای 24 کاتژمێری بۆ سەرتاسەری هەرێمی کوردستان دابین بکرێت.

ژمارەکان وادەڵێن: لە ڕێگەی دروستکردنی چەند وێستگەیەک هەزار و 840 مێگاوات بەرهەمهێنانی کارەبا زیادی کردووە، بەمجۆرەی خوارەوە: 

وێستگەی خورمەڵە: 500 مێگاوات

وێستگەی هەڵمی خەبات: 300 مێگاوات

وێستگەی دێرەلوک : 38 مێگاوات

وێستگەی گەرمیان : 165 مێگاوات

وێستگەی بازیان: 750 مێگاوات

بەگەڕخستنەوەی وێستگەکانی هەولێر، سلێمانی و دهۆک: 87 مێگاوات

زانیاریی زیاتر: لە ماوەی کەمتر لە پێنج ساڵی ڕابردوو سێ هەزار و 503 پرۆژە بۆ دابەشکردنی کارەبا و 61 پرۆژە بۆ گواستنەوەی کارەبا جێبەجێ کراون.

بۆچی گرنگە: بە جێبەجێکردن و تەواو بوونی پلان و پرۆژەکانی سێکتەری کارەبا و تەواوکردنی هەنگاوەکانی پرۆژەی ڕووناکی، تا کۆتایی ساڵی 2026 کارەبای 24 کاتژمێری دەگاتە سەرتاسەری هەرێمی کوردستان.

گۆشەیەکی دیکەی دیمەنەکە: ڕێژەی بەرهەمهێنانی کارەبا لە هەرێمی کوردستان بە گوێرەی جۆری وزە بەمجۆرەیە: 

کارۆئاوی: 1٪
گازوایل: 5٪
نەوتی ڕەش: 11٪
گازی سرووشتی: 83٪

ئەمەش بزانە: ژێرخانی کارەبای هەرێمی کوردستان توانای بەرهەمهێنانی گەیشتووەتە نزیکەی هەشت هەزار و 200 مێگاوات.