لە دیوانیە بوکێک ماڵە خەزوورانی سەردەبڕێت

ئاڤا نیوز

لە تاوانێکی شۆکهێنەردا کە پارێزگای دیوانیەی لە باشووری عێراق هەژاند، ژنێک هەستا بە کوشتنی دایک و باوکی هاوسەرەکەی و خوشکی هاوسەرەکەی بە شێوەیەکی دڕندانە. هێزە ئەمنییەکان توانیان لە ماوەیەکی زۆر کورتدا و کەمتر لە کاتژمێرێک دوای ڕووداوەکە، تۆمەتبارەکە دەستگیر بکەن.

 

چیرۆکی سەرەکی؛ بکوژەکە کە بووکی ماڵەکە بووە، بە بیانووی "کێشەی خێزانی" ئەم تاوانە قێزەونەی ئەنجامداوە. بەپێی زانیارییەکان، ژنەکە دەمامکی پۆشیوە و خۆی وەک "توێژەرێکی کۆمەڵایەتی" ناساندووە بۆ ئەوەی بتوانێت بچێتە ناو ماڵی خەزوورانییەوە.

 

دوای ئەوەی دەرگای لێکراوەتەوە، ژنەکە بە چەقۆ هێرشی کردووەتە سەر خەسووی و خەزووری و خوشکی مێردەکەی و هەرسێکیانی بە شێوەیەکی دڕندانە کوشتووە و دواتر سەری بڕیون.

 

لێدوانی فەرمی؛ فەرماندەیی پۆلیسی دیوانیە ڕایگەیاند کە تۆمەتبارەکە لە شوێنی ڕووداوەکە دەستگیرکراوە و دانی بە تاوانەکەیدا ناوە.