سەرۆکوەزیران بارزانی: پێویستە حکومەتی عێراق کوردانی فەیلی قەرەبوو بکاتەوە

ئاڤا نیوز

 

سەرۆکوەزیران بارزانی لە پەیامێکیدا بۆ ساڵیادی جینۆسایدی کوردانی فەیلی ڕایگەیاند، جینۆسایدی ئەو کوردانە بە ئامانجی لەنێوبردن و سڕینەوەی ناسنامەی گەلی کوردستان ئەنجامدراوە.

 

ڕاگەیێنراوی فەرمی: "لە 44مین ساڵیادی جینۆسایدکردنی کوردانی فەیلی، بە ڕێز و شکۆوە یادی هەموو ئەو خوشک و برایانەی کوردی فەیلی دەکەینەوە کە لە شاڵاوێکی دڕندانەی ڕژێمی پێشووی عێراق، تەنیا لەبەر کوردبوونیان و پشتگیریکردنی شۆڕشی گەلی کوردستان، دووچاری کوشتن، بێسەروشوێنکردن و لێسەندنەوەی ناسنامە بوونەوە".

 

ئەوەش بزانە: سەرۆکوەزیران بارزانی ئاماژەی بەوەشکرد، پێویستە حکومەتی عێراق بەرپرسیارێتیی ئەخلاقی و دەستووری خۆی جێبەجێ بکات و بە شێوەیەکی شایستە، قەرەبوویان بکاتەوە.

 

باکگراوند: ئەمڕۆ 44 ساڵ بەسەر جینۆسایدی کوردانی فەیلی تێپەڕێ؛ شاڵاوەکە لە چواری نیسانی ساڵی 1980ده‌ستپێكرد و بۆ ماوەی 10 ساڵ بەردەوام بوو.