بەشی دووەمی پارەی گەنمی جووتیاران دابەش دەکرێت

ئاڤا نیوز

بڕێکی دیکەی پارەی گەنمی جووتیاران گەیشتووە، وەزارەتی بازرگانی حکومەتی هەرێمی کوردستان لە ڕێکارە کارگێڕییەکان بەردەوام، ئەمرۆ لە هەولێر دەست بەدابەشکردنی دەکرێت و هەفتەی داهاتوو لە سلێمانی و دهۆک.

چیرۆکی سەرەکی: پارەی گەنمی ئەمساڵی جووتیاران نزیکەی 310 ملیار دینارە، لەماوەی ڕابردوو  بەغدا 57 ملیار دیناری خەرجکرد، لەم ڕۆژانە بڕێکی دیکەش نێردراوە و دەست بە دابەشکردنی دەکرێت، بڕیارە بە چەند قۆناغێکی دیکە ئەو بڕەی ماوە خەرج بکرێت.

لێدوانی فەرمی: نەوزاد شێخ کامیل، بەڕێوەبەری گشتیی بازرگانی لە وەزارەتی بازرگانی و پیشەسازی بە ئاڤای گوت، "15 ملیار و 500 ملیۆنی دیکە وەک شایستەی دارایی جووتیارانی هەرێمی کوردستان گەیشت، ئەمڕۆ لە سایلۆکان چەک دەدرێت بە جووتیاران و دەتوانن پارەکانیان لە بانک وەرگرن."

ڕاگەیێنراوی فەرمی: وەزارەتی بازرگانی و پیشەسازی ئاشكرای دەكات كە ئەو بڕە پارەیە وەك شایستەی گەنمی جووتیارانە بۆ ساڵی 2025، شەش ملیار بۆ سلێمانی و پێنج ملیار بۆ هەولێر و چوار ملیار و پێنجسەد ملیۆنیش بۆ جووتیارانی دهۆكە.